Il motiv per la sminuziun dal gudogn sajan tenor la Vaudoise gronds donns il zercladur ed in resultat pli nausch tar las investiziuns che l'onn passà. Las premias nettas èn dentant creschidas per 5,8% sin 669 milliuns francs. Quai è in bun tant dapli che la media da la branscha. Las premias tar las assicuranzas da vita èn sa sminuidas per bunamain la mesadad sin 41,6 milliuns francs. Tenor communicaziun da medias è quai schabegià perquai che la Vaudoise fa a mogna mo pli fitg precautamain assicuranzas cun premias unicas pervi dals zins flaivels.
Per l'entir 2016 fa Vaudoise quint cun in gudogn main bun che quel da l'onn passà. Dentant vul ella far gudogn sur la media dal martgà. En cas ch'il marchà da finanzas e la chargia da donns sa sviluppia betg negativ saja da quintar cun buns resultats.