Il Tribunal federal ha decidì cun 3 cunter 2 vuschs che mo il donatur dal sperma po sa laschar inscriver sco bab. Per garantir il dretg da derivanza dal uffant da quatter onns vegn la mamma biologica nudada en il register dal stadi civil.
Svizra pli restrictiva che Stadis Unids
La lescha svizra scumonda la donaziun da cellas d'ovs ed era da laschar parturir ina mamma da substituziun. Ultra da quai na pon pèrs omosexuals betg adoptar ensemen in uffant.
Ils dus umens avevan laschà parturir l'uffant en ils Stadis Unids da l'America. Il stadi federativ California lubescha numnadamain da registrar 2 babs per in uffant.
RR novitads 14:00