Siglir tar il cuntegn

Svizra In um mora suenter ina dispita a Heiden

Tar ina dispita a Heiden en il chantun Appenzell dadora è in um da 52 onns vegnì mazza cun in cuntè. La polizia ha arrestà in um che duai avair commess quest delict.

In auto da polizia al lieu dal delict.
Legenda: Las inquisiziuns marschan anc. Keystone

Sco quai che la polizia dal chantun Appenzell dadora communitgescha, saja l'arrestà s'annunzià sez tar ella.

Tge che tut capità

En consequenza d’ina dispita tranter 2 gruppas sin ina plazza da scola è la polizia vegnida alarmada. Arrivada al lieu ha ella vis l’um grev blessà. Las blessuras èn stadas uschè grevas ch’el è mort pli tard en l’ospital.

La polizia suppona ch’il delict e la dispita è succedida a l’ur d’ina festa da ballape la notg sin dumengia a Heiden. Las investigaziuns da la polizia cuntinueschan.