Il settember èn 1'379 persunas stadas senza lavur en il chantun Grischun. Quai è in plus da 79 persunas cumpareglià cun l’avust da l’onn current e correspunda ad ina quota da dischoccupaziun da 1,3%. Quai scriva l'Uffizi chantunal per industria mastergn e lavur. Ils pli blers dischoccupads ha registrà la gastronomia cun 362 persunas.
Quota da dischoccupaziun constanta en Svizra
La situaziun al martgà da lavur en l'entira Svizra è stada stabila il mais passà.Sco gia l'avust è la quota da dischoccupaziun restada il settember tar 3,2%. Quai communitgescha il Secretariat da stadi per l'economia. En tut eran 142’675 persunas senza lavur il mais passà. Quai èn 183 persunas damain ch’anc l’avust. Remartgabel è che 3% damain persunas giuvnas èn stadas senza lavur il settember.
Cumpareglià cun il settember avant in onn è la dischoccupaziun en Svizra dentant s'augmentada levet per 0,1%.
RR novitads 08:00
