Sco usità tar il test supplementar è vegnì testà sco emprim l'alarm general tranter las 13:30 e las 14:00. A partir da las 14:15 fin las 15:00 èn lura vegnì testads ils alarms d'aua en regiuns periclitadas. Tar ils alarms d'aua n'ha ina sirena betg funcziunà. Sco quai che l'Uffizi da militar e da protecziun civila ha ditg envers RTR n'èsi dentant betg cler, daco che ina sirena n'ha betg funcziunà
Il favrer n'avevan ils tests betg funcziunà
Suenter il test da l'entschatta favrer ha l'Uffizi federal per la protecziun da la populaziun curregì ils sbagls. Per pudair testar e cumprovar la funcziun da l'entir sistem d'alarm è l'alarm vegnì repetì en l'entira Svizra. Mesemna ha perquai gì lieu in test da sirenas extraordinari en l'entir pajais.
Tar il test dals 7 da favrer hai dà in problem tecnic cun il cumond a distanza. I sa tracta d'in problem da software ch'era vegnì identifitgà suenter l'ultim test.
RR novitads 09:00