Suenter la surveglianza federala da finanzas Finma prenda era la societad da cartas da credit Aduno sut la marella las fatschentas da Pierin Vincenz.
Aduno s'occupa da pajaments, credits pitschens e leasing. Vincenz è ditg stà il president dal cussegl d'administraziun ed era enfin il zercladur 2017 en il gremi da survegilanza. Plinavant è la Raiffeisen cun ina partizipaziun da 25,5% il pli grond acziunari.
Pertge piglia Aduno sut la marella las fatschentas?
I va per conflicts d'interess en connex cun las cumpras d'intginas participaziuns pli pitschnas che l'Aduno ha fatg – sumegliant sco tar la Raiffeisen. Ussa vegnan las acquisiziuns da l'interpresa Eurokaution il 2014 e da la firma Commtrain il 2007 examinadas. L'incumbensa ha il cussegl d'administraziun d'Aduno dà ad ina chanzlia d'advocatura spezialisada sin dretg economic.
La pledadra da l'Aduno ha commentà a l'agentura da novitads SDA ch'i valia la presumziun d'innocenza. Dapli indicaziuns tar l'examinaziun na fan els dentant betg.
RR novitads 11:00
