La cumissiun ha approvà ina moziun dal cusseglier vallesan René Imoberdorf (PCD) cun 6 cunter 4 vuschs e duas abstenziuns. Quai communitgeschan ils Servetschs dal parlament. La maioritad da la cumissiun è da l'avis - ch'ins stoppia franar l'augment dal dumber da lufs.
Lescha è gia schluccada
Pir da curt era la lescha per la protecziun dal luf vegnida schluccada. Dapi la stad passada pon vegnir sajettads lufs giuvens che sa chattan regularmain al ur da vitgs ni en vitgs e mussan nagina tema envers l'uman.
Luf - animal lubì
La moziun da René Imoberdorf va dentant in toc pli lunsch. Il luf duai daventar ina animal lubì per la chatscha. Sch'il parlament va d'accord cun la moziun - lura sto il Cussegl federal adattar la lescha da chatscha.
RR novitads 14:00
