Siglir tar il cuntegn
cuntegn

Svizra Incassà incorrect taglia sin pli valur

Mintga chasada duai survegnir enavos raps da las taxas da radio e da televisiun. Quai vul l'Uffizi federal da communicaziun. La raschun è che la taglia sin la plivalur na saja betg vegnida incassada a moda correcta.

Qunit da billag.
Legenda: Taglia sin pli valur è vegnida incassada a moda incorrecta tar taxas da radio e televisiun. Keystone

Radund 50 francs per chasada vul l'Uffizi federal da communicaziun restituir a mintga chasada. L'uffizi è londervi da preparar ina basa legala per pajar enavos ils daners. Quai duess capitar en furma d'ina bunificaziun sin il proxim quint da las taxas da radio e televisiun.

La raschun per quest pass èn sentenzias dal Tribunal federal. Quel ha decidì en quatter cas, ch'i saja da restituir la taglia sin plivalur ch'è vegnida incassada per sbagl da la Confederaziun ils onns 2010 fin 2015. En tut sa tracti da 170 milliuns francs che duain vegnir pajads enavos a la populaziun.

Anc ha però il Parlament federal da decider en chaussa.

RR novitads 12:00