Incendi a Horn TG sut controlla
- Glindesdi, 3.8.2015, 8:05, actualisà a las 17:46
Sco la polizia da la Turgovia communitgescha haja sulet dà gronds donns materials. Blessads n'hai dà nagins. Las lavurs da stizzar eran difficilas perquai ch'ils pumpiers n'han betg pudì entrar en ils bajetgs decadents. Passa 200 pumpiers e 3 helicopters da l'armada èn stads en acziun.
-
Anc adina n'è il fieu betg sut controlla, malgrà la presenza da passa 200 pumpiers. Keystone
1/6 -
L'enorma pitga da fim è vesaivla en l'entira regiun dal Lai da Constanza. SRF, B. Kälin
2/6 -
Il bajetg en il fund è crudà ensemen pervi dal brischament. Keystone
3/6 -
In Super-Puma bitta aua sin il brischament. Keystone
4/6 -
I dovra gronds quantums aua per cumbatter las flommas. Keystone
5/6 -
Ils bajetgs n'èn betg accessibels da tut las varts. Keystone
6/6
L’incendi sin in areal d’industria (l'areal Raduner) a Horn en il chantun Turgovia è rut ora la damaun las 5:30. Sur dal motiv e la summa dals donns datti anc naginas indicaziuns.
Nagins blessads
Tenor in pledader da la polizia datti nagins blessads, i sa chattia ina abitaziun en in dals bajetgs; ils possessurs sajan il mument en vacanzas.
L'areal Raduner cumpiglia in territori da 44'000 meters quadrat. Fin l'onn 1989 era là la fabriva da textilias Raduner. Il terren da l'areal è per part contaminà cun chemicalias ed il chantun Turgovia ha decretà il 2006 ina sanaziun. Oz tutgan trais quarts da l'areal a l'interpresa da recidladi Eberhar Bau SA. L'interpresa fiss pronta da sanar l'areal e vul lura surbajegiar il terren cun abitaziuns.
RR novitads 08:00 / 10:00 / 14:00 / 18:00