A Pratteln en il chantun Basilea-Champagna era rut ora la dumengia saira in fieu en in bajetg industrial. Entant saja il fieu sut controlla e per gronda part stizzà, communitgescha la polizia chantunala.
Persunas na sajan betg vegnidas blessadas. In pumpier haja stuì ir sin controlla en l'ospital. Quai pervi dal suspect dad ina tissientada da fim. Per la populaziun na dettia nagin privel pli. Ins n'haja betg chattà substanzas toxicas en il fim. Portas e fanestras possian puspè vegnir avertas.
Tge ch'haja brischà exactamain sco er la causa da l'incendi n'è anc betg cler.
RR novitads 06:00