-
Bild 1 von 6. In di suenter la catastrofa èn persunas sa rimnadas per ina messa en la baselgia da Kerzers. Bildquelle: Keystone.
-
Bild 2 von 6. Bildquelle: Keystone.
-
Bild 3 von 6. Bildquelle: Keystone.
-
Bild 4 von 6. In di suenter l'incendi commemoreschan abitantas e confamigliars cun metter giu fluras. Bildquelle: Keystone.
-
Bild 5 von 6. Il bus è brischà cumplettamain mardi saira en il center da la vischnanca da Kerzers. Bildquelle: Keystone.
-
Bild 6 von 6. Il fieu è sa derasà svelt ed il bus è stà en flommas aifer ina minuta. Bildquelle: Keystone.
- In um ha dà fieu a sasez en in auto da posta a Kerzers en il chantun Friburg. Il fieu è sa derasà entaifer ina minuta.
- Sis persunas èn mortas e tschintg vegnidas blessadas, duas dad ellas èn en l'ospital. Entant èn las unfrendas identifitgadas.
- Il delinquent supponì saja in um da 65 onns dal chantun Berna. El eria enconuschent a las autoritads sco «psichicamain instabil». El è tranter ils sis morts.
Il brischament d'in auto da posta, mesemna saira a Kerzers en il chantun Friburg, saja stà in act intenziunà senza raschun ideologica. Quai ha communitgà la Polizia chantunala da Friburg. Ins n'haja nagins indizis ch'i sa tracta d'in act terroristic. Il delinquent era in Svizzer cun problems psichics che viveva en il chantun Berna. El era entrà a Düdingen en l'auto da posta e 40 minutas pli tard ha el dà fieu a sasez.
Las sis unfrendas èn tranter 16 e 65 onns
Al brischament da l'auto da posta èn mortas sis persunas. La polizia chantunala ha entant identifitgà las persunas. I sa tracta da l'incendiader supponì, in um da 65 onns, il manischunz dal bus (63 onns), duas dunnas (25 e 39 onns) e dus umens (16 e 29 onns). Ultra da quels èn ulteriuras tschintg persunas vegnidas blessadas. Lezzas han tenor la polizia tranter 27 e 56 onns. Duas da questas sajan anc en l'ospital. Tut las persunas blessadas èn or da la regiun.