- In um ha dà fieu a sasez en in auto da posta a Kerzers en il chantun Friburg. Il fieu è sa derasà entaifer ina minuta.
- Sis persunas èn mortas e tschintg vegnidas blessadas, duas dad ellas levamain.
- Il delinquent supponì saja in um da 60 onns dal chantun Berna. El eria enconuschent a las autoritads sco «psichicamain instabila». El è probabel tranter ils sis morts.
Cumenzament da la gallaria da maletgs
Sursiglir la gallaria da maletgs
-
Bild 1 von 4. Bildquelle: Keystone.
-
Bild 2 von 4. In di suenter l'incendi commemoreschan abitantas e confamigliars cun metter giu fluras. Bildquelle: Keystone.
-
Bild 3 von 4. Il bus è brischà cumplettamain mardi saira en il center da la vischnanca da Kerzers. Bildquelle: Keystone.
-
Bild 4 von 4. Il fieu è sa derasà svelt ed il bus è stà en flommas aifer ina minuta. Bildquelle: Keystone.
Fin da la gallaria da maletgs
Returnar al cumenzament da la gallaria da maletgs.
Il brischament d'in auto da posta, mesemna saira a Kerzers en il chantun Friburg, saja stà in act intenziunà senza raschun ideologica. Quai ha communitgà la Polizia chantunala da Friburg. Ins n'haja nagins indizis ch'i sa tracta d'in act terroristic. Il delinquent, ch'è probabel tranter ils morts, era in Svizzer cun problems psichics che viveva en il chantun Berna. Pervi dal brischamnet da l'auto da posta èn mortas almain sis persunas – tschintg ulteriuras persunas èn sa blessadas, da quellas èn anc duas en l'ospital. Il delinquent è entrà a Düdingen en l'auto da posta – 40 minutas pli tard ha el da fieu a sasez.