En il Tessin han 45 persunas stuì vegnir evacuadas pervi dad in incendi da guaud al Monte Gambarogno al Lago Maggiore, sco che polizia ha communitgà curt avant mesanotg. L'evacuaziun saja capitada per raschuns da segirtad e pervia dal fim intensiv.
L'incendi ch'ha cumenzà la damaun da dumengia saja entant sa derasà sin ina surfatscha da sis hectaras. En acziun èn pumpiers da Gambarogno e Bellinzona, sustegnì da trais helicopters da l'armada.
Vents ferms laschian furiar vinavant las flommas. Il passagi da cunfin tranter Indemini e l'Italia è vegnì serrà. Pervia da setgira vala en il Tessin gia dapi bun duas emnas in scumond da far fieu en il liber.