En in quartier d'industria ad Arbedo-Castione da manaivel da Bellinzona hai ars sonda en damaun. Il fieu saja rut ora curt suenter las 5:00 en ina remisa che serviva sco deposit ad auto-rulottas en la Via del Carmagnola. Il fieu saja entant sut controlla, ha la polizia communitgà. Blessads n'haja betg dà.
La lingia da viafier tranter Bellinzona ed Arbedo-Castione è vegnida interrutta ad interim. Pervi dal fim spess èn ils vischins vegnids intimads da serrar lur fanestras.
RTR novitads 09:00