La halla da magazin en la zona da commerzi a Pratteln (Basilea Champagna) è arsa. Ils bajetgs vischins avevan stuì vegnir evacuads. Blessads n’ha quai betg dà, communitgescha la polizia. Tenor la polizia ha quai dà donns da passa in milliun francs.
Il fieu era rut ora da circa venderdi suentermezdi (16:15). Il fim era da vesair da l’autostrada A2, e da la lingia da viafier tranter Basilea a Turitg. Il fieu saja bain stà sut controlla bainspert, stizzà era il fieu però pir suenter radund 12 uras. En tut eran radund 200 persunas da en servetsch per cumbatter il fieu.
La raschun per l'incendi n'è betg clera – era il lieu, nua ch'igl ha cumenzà a brischar n'è anc betg identifitgà. Las investigaziuns sajan difficilas, perquai ch'ils donns èn gronds. La polizia tschertga perditgas.
RR novitads 12:00