Siglir tar il cuntegn

Header

cuntegn

Indemnisaziuns WEKO pretenda midada da lescha per unfrendas

L'onn passà han interpresas en Svizra stuì pajar chastis da tut en tut 150 milliuns francs perquai ch'ellas han cuntrafatg a la lescha da cartel. Ils donnegiads van però savens ora cun mauns vids. La cumissiun da concurrenza WEKO pretenda perquai ina revisiun da la lescha.

Tar ils chastiads tutgan tranter auter interpresas da construcziun, firmas da leasing e bancas. Tenor il rapport annual da la WEKO èn ils 150 milliuns ids en la cassa federala. Ils donnegiads dals cartels, hajan bain la pussaivladad da pretender indemnisaziuns cun far in plant. Quai vegnia però fatg darar.

Tgi che cuntrafa a la lescha da cartel sto bain quintar cun chastis, quels han surtut in effect preventiv. La WEKO discurra tar l'onn passà d'in onn cun lavur da piunier. Ella haja introducì ch'igl haja dà dapli indemnisaziuns per unfrendas da cartels, ma quai na tanschia anc betg. Perquai duai dar ina lescha, nua ch'ils donnegiads possian profitar pli ferm.

RTR novitads 15:00

Artitgels legì il pli savens

Nach links scrollen Nach rechts scrollen