Siglir tar il cuntegn

Header

cuntegn

Index da cumpra Segns per l'industria svizra èn puspè pli positivs

Ils segns per l'industria svizra èn puspè pli positivs l'entschatta dal nov onn.
L'index da cumpra da la Credit Suisse inditgescha puspè in augment. Dapi l'avrigl aveva quel adina mussà ina reducziun. Per l'entschatta da l'onn è l'index da cumpra per l'industria creschì per 1,4 puncts sin 50,2. L'index da cumpra per il sectur da servetsch è percunter sa reducì per 1,3 puncts sin 51,7. La marca da 50 inditgescha in trend positiv.

Il trend actual ha er surpassà las prognosas d'experts. Tenor l'agentura da novitads AWP avevan economs quintà cun ina valur tranter 48,4 e 49,5 puncts. L'onn 2019 saja stà uschè difficil per l'industria svizra sco il 2015, l'onn ch'il curs minimal da l'euro era vegnì aboli, uschia ils economs.

RTR novitads 11:00