Siglir tar il cuntegn

Header

cuntegn

Index da spezialists Mancanza da persunal sin livel maximal

En Svizra s'accentuescha la mancanza da persunal qualifitgà adina pli fitg. Quai mussa l'index da l’intermediatur da persunal Adecco, en collavuraziun cun l'universitad da Turitg.

Actual è l'index dal persunal spezialisà che manca 68% pli aut che l'onn passà. E cumpareglià cun 2019, avant la crisa, è l'index uss 20% pli aut. Cunzunt en ils secturs da sanadad, informatica ed inschigneria daventia pli e pli difficil da chattar ils spezialists. Quai mussa il studi da l'Adecco e l'universitad da Turitg. En la branscha la pli pertutgada – da sanadad – haja il persunal spezialisà gia mancà avant la pandemia.

In maletg cuntrari sa mussa cunzunt tar ils lavurers auxiliars, en l'agricultura e l'economia forestala. Qua dettia dapli interessents che plazzas, scriva Adecco.

audio
Per tadlar curt e cumpact
ord RTR Audio dals 29.11.2022.
laschar ir. Durada: 1 minuta 3 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga