Siglir tar il cuntegn

Header

cuntegn

Indiscreziuns durant pandemia Berset: «Jau na commentesch betg ina procedura currenta»

Envers SRF ha il cusseglier federal Alain Berset tegnì la dira ier saira. El na saja betg preoccuppà pervia da la procedura encunter ses anteriur schef da communicaziun Peter Lauener.

audio
Alain Berset davart la procedura pennala
ord RTR Audio dals 18.01.2023.
laschar ir. Durada: 18 Secundas.

Cunter Peter Lauener ha in investigader spezial avert ina procedura penala. El haja dà vinavant infurmaziuns confidenzialas durant ses temp sco schef da communicaziun da Berset durant la pandemia. Alain Berset è minister da l'intern è maina er l'Uffizi da sanadad.

Quai è enconuschent

Avrir la box Serrar la box

L'ulteriur schef da communicaziun Peter Lauener ha regularmain infurmà ordavant il schef da Ringier, che dat ora il «Blick», davart mesiras cunter la pandemia. Quai pretenda la «Schweiz am Wochenende», e sa basa sin retschertgas d'in investigader spezial da la Confederaziun. Uschia haja il schef da communicaziun per exempel infurmà davart l'acquisiziun da vaccin.

Las retschertgas da l'investigader spezial pertutgan er suspects ch'igl haja dà fatschentas d'insider en connex cun la pandemia.

Berset beneventa ch'il parlament vegn activ, ed el saja pront da rapportar davart sia rolla avant il parlament. Entant vul er la Procura publica federala vegnir activa en il cas. Envers SRF ha ella confermà d'avair inoltrà ina correspundenta dumonda tar l'Uffizi da surveglianza.

Alain Berset di, ch'i saja però remartgabel ch'in entir dossier davart ina procedura penala currenta sa tschentia en las medias. Sin la dumonda sch'el sez haja savì dal sa cuntegnair da Lauener ha Berset ditg che quai fiss gia part da la discussiun davart ina procedura penala. Perquai na s'exprimia el betg.

RTR novitads 06:00

Artitgels legids il pli savens

Scrollar a sanestra Scrollar a dretga