Il nov schef dal concern svizzer ABB, Björn Rosengren, fa serius cun concentrar las forzas e fatschentas. Il concern d'electro-tecnica vul vender spartas, cun ina svieuta da total 1,6 milliardas francs. Quai sco ABB ha communitgà a chaschun dal di d'investiders. Quai sajan radund 6% da la svieuta totala. Betg pli part dal concern duain far Turbocharging, Mechanical Power e Power Conversion.
La mira è da chattar la meglra soluziun e quella cun il pli augment da valur per ABB e las divisiuns.
En pli reducescha ABB levamain sias spetgas quant fitg che la svieuta crescha. Els quintan ussa cun in creschament da 3 fin 5% e betg sco fin qua da 3 fin 6%.
audio
Per tadlar – las novitads da las 09:00
ord RTR Audio dals 19.11.2020.
Maletg: RTR
laschar ir. Durada: 1 minuta 2 Secundas.
