Siglir tar il cuntegn

Header

Urs Breitmeier.
Legenda: Urs Breitmeier banduna la Ruag. Quai suenter che l'interpresa è vegnida dividida sin l'entschatta da quest onn. Keystone
cuntegn

Industria d'armaziun Urs Breitmeier banduna la Ruag

Il schef da la Ruag, Urs Breitmeier, banduna il concern d'armament suenter che quel è vegnì dividì l'entschatta da l'onn. Il schef da finanzas da Ruag International, Urs Kiener, surpiglia per immediat la direcziun, fin che la successiun è reglada.

Il cussegl d'administraziun e Breitmeier sajan sa separads en enclegientscha vicendaivla, ha la Ruag communitgà. Breitmeier è stà engaschà durant 18 onns en posiziuns da cader da la Ruag, ils davos 7 onns sco CEO.

Il Cussegl federal aveva decidì il mars 2019 da divider la part da la Ruag che lavura per l'armada. Ruag International duai vegnir sviluppà vinavant tar in concern da tecnoligia-aerospace e vegnir privatisà cumplettamain a media vista. Dapi l'entschatta da quest onn tutgan tar la BGRB Holding SA las duas sub-holdings MRO Svizra e Ruag International.

RTR novitads 15:00

Artitgels legids il pli savens

Ir a sanester Ir a dretg