L'industria d'uras svizra ha occupà l'onn passà cleramain dapli persunal che l'onn avant. Uschia è l'effectiv da persunal s'augmentà per l'emprima giada dapi quatter onns. Il 2018 è il dumber dad occupads s'augmentà per 2'868 sin total 57'812 persunas. Quai mussa la statistica da persunal da l'uniun da patruns da la branscha.
L'augment da persunal va a prà cun la dumonda creschenta d'uras svizras, en spezial en l'Asia. Ils exports d'uras èn l'onn passà s'augmentads per 6,3% sin passa 21,2 milliardas francs.
RR novitads 09:00