In'enquista da Swissmem inditgescha che l'industria svizra ha pudì spargnar energia dapi il cumenzament da la guerra en l'Ucraina. Da las interpresas che han respundì sin l'enquista, han 60% inditgà d'avair spargnà energia. Er l'Uffizi federal d'energia conferma che las interpresas «motivadas» hajan spargnà 10% energia.
Quitads per proxim enviern
Er sch'ins ha pudì spargnar energia. Swissmem fa quità pervia dal proxim enviern. Per exempel na vegnian en il mument ils lais da fermada betg emplenids cun aua, pervia da la sitgira. Quai di il vicedirectur Jean-Philippe Kohl en l'actuala «NZZ am Sonntag».
Swissmem è l'associaziun professiunala da l’industria da maschinas, d’electro e da metal. Da las interpresas che han spargnà energia èn 74% KMU's cun pli pauc che 250 persunas. Il rest èn interpresas grondas.
