Siglir tar il cuntegn

Header

cuntegn

Informatica federala Project «ASAL» ha retard e custa dapli

In project per in sistem d'informatica da l'Assicuranza da dischoccupaziun ha 1 onn e mez retard, e custa dapli. Quai constatescha la Controlla federala da finanzas en in rapport. La raschun per il retard è la pandemia.

Il sistem d'informatica ASAL dovra l'assicuranza da dischoccupaziun tranter auter era per administrar ils pajaments da lavur curta. Quel sistem è en funcziun dapi il 1993. Dapi lura è'l bain adina vegnì tgirà, però è'l ussa en ils onns e sto vegnir remplazzà. Cunquai che la cassa da dischoccupaziun aveva la primavaira 2020 tanta lavur pervi da la pandemia, saja il project d'informatica «ASALfutur» quasi stà airi, scriva la controlla da finanzas federala en ses rapport. Uschia resulta in retard dad in onn e mez.

audio
Per tadlar curt e cumpact
ord Novitads dals 02.12.2021.
laschar ir. Durada: 59 Secundas.

Da nov èsi planisà d'introducir il sistem l'auter october. Pervi dal retard custa il project 14 milliuns dapli, uschia ch'ils custs totals muntan ussa a 118 milliuns francs. Tenor la controlla da finanzas hai dà ils custs supplementars surtut pervi da las cundiziuns pli pretensiusas, il basegn d'experts externs e la pandemia. Uschia ha l'assicuranza da dischoccupaziun per exempel exequì pajaments a radund 158'000 persunas il mars 2021 e tras la pandemia era las indemnisaziuns per lavur curta a radund 44'600 manaschis.

RTR novitads 06:00

Artitgels legids il pli savens