Siglir tar il cuntegn

Header

audio
Moziun pretenda controlla d'infrastructura critica
Or da Actualitad dals 11.05.2022.
abspielen. Laufzeit 3 minutas 25 Sekunden.
cuntegn

Infurmaziun e communicaziun Moziun pretenda da proteger meglier infrastructura critica

Stadis autocratics n’èn betg partenaris fidaivels – uschia il socialdemocrat Jon Pult. Gist l’exempel cun la Russia ed il gas mussian ch'affars per rauba impurtantas cun tals stadis mettan en privel la Svizra. Perquai vul Pult proteger meglier infrastructura critica dad infurmaziun e communicaziun. Firmas che mettan a disposiziun parts da l’infrastructura duain garantir la confidenza en ils products. Sche quella n'è betg garantida duain las firmas vegnir exclusas. Concret discurra Jon Pult da la tecnologia da 5G. Gia oz èn implementads elements da la firma chinaisa Huawei en Svizra. Dentant pudess quai daventar in grond privel per la Svizra. Sche tut l’infrastructura critica vegnia attatgada a la rait da 5G haja la China gronda influenza e pudess en il pli nausch scenari metter ord funcziun quell’infrastructura. Perquai duess il Cussegl federal elavurar reglas cleras – ina basa legala per proteger l’infrastructura critica.

Martgà liber – ina filosofia faussa

Tenor Jon Pult saja il martgà liber pertutgant l’infrastructura critica ina filosofia faussa. Ins daventia dependent da reschims che sajan incumpatibels cun las valurs da la Svizra. Perquai stoppia vegnir reagì uschè svelt sco pussaivel. Uschia vegn la moziun da Jon Pult inoltrada sco moziun da fracziun per dar dapli paisa. Co realisar quella sto il parlament debattar.

RTR actualitad 17:00

Artitgels legids il pli savens

Scrollar a sanestra Scrollar a dretga