Siglir tar il cuntegn

Header

cuntegn

Infurmaziun fallada Nagin mortori d'in um sut 30 onns

Durant la conferenza da pressa aveva dal venderdi aveva l'Uffizi federal per sanadad BAG confermà la mort d'in um sut 30 onns. L'um saja stà l'emprim giuven tranter 20 e 29 onns ch'è mort pervia dal coronavirus.

La saira scriva il Chantun Berna en ina communicaziun, che quai na constettia betg. Qua sa tractia d'ina infurmaziun fallada. Quai saja capità pervia d'ina intschertezza tar in'annunzia. Dal chantun Berna n'haja dentant dà nagina annunzia d'in cas da mortori al BAG.

Il BAG haja declerà ch'el curregia la glista da mortoris.

Bleras infecziuns capitan en il pajais

Plinavant ha l'Uffizi federal da sanadad infurmà che las bleras infecziuns capitian en Svizra e na vegnian betg importadas da persunas che turnian da l'exteriur. Tant davart las infecziuns novas sco era quellas dals mortoris ha il BAG ditg, che las cifras sa laschian cumparegliar cun quellas da noss vischins, per exempel l'Austria.

video
Puncto infecziuns saja la Svizra sin il nivel da l'Austria
Or da News-Clip dals 14.08.2020.
laschar ir

Il venderdi ha il BAG annunzià 268 novas infecziuns entaifer 24 uras. En il Grischun n'hai danovamain dà nagins cas novs.

RTR novitads 16:00

Artitgels legids il pli savens

Scrollar a sanestra Scrollar a dretga