Siglir tar il cuntegn

Header

cuntegn

Iniziativa allevament intensiv Cumissiun federala cunter reglar pli rigurus il tegnair animals

La cumissiun d'economia dal cussegl naziunal na vul savair nagut da prescripziuns pli rigurusas per tegnair animals da niz. Ella di «Na» tant a l'iniziativa dal pievel, sco er a la cuntraproposta dal cussegl federal. L'iniziativa vul scumandar da tegnair animals en gronda quantitad e che la dignitad da l'animal vegnia perscritta en la constituziun – sco per exempel ch'ils animals vegnian regularmain ord stalla. La cuntraproposta dal cussegl federal vul prescriver, quant plaz ch'animals da niz dovran e che quels duain vegnir mazzads cun dapli quità. La cumissiun dal cussegl naziunal è da l'opiniun che las prescripziuns actualas sajan rigurusas avunda.

Las decisiuns èn stadas cleras cun 14:10 vuschs cunter la cuntraproposta dal cussegl federal e cun 14:5 vuschs cunter l'iniziativa cunter l'allevament intensiv, communitgeschan ils servetschs parlamentars. Per la debatta en il Cussegl naziunal la sessiun d'enviern datti però gia pliras propostas da minoritads. Tranter auter era d'elavurar ina cuntraproposta indirecta – pia elavurar ina lescha correspundenta.

RTR novitads 16:00

Artitgels legids il pli savens

Scrollar a sanestra Scrollar a dretga