Siglir tar il cuntegn

Header

Purtret d'ina chasa che vegn gist construida.
Legenda: Las partidas burgaisas èn cunter l'iniziativa per «dapli abitaziuns pajablas». Keystone
cuntegn

Iniziativa contraproductiva Burgais èn cunter iniziativa per dapli abitaziuns pajablas

En Svizra dettia avunda abitaziuns pajablas. L'iniziativa chaschunia be dapli birocrazia e dapli custs, sco era auters effects secundars gravants. Las partidas burgaisas cumbattan perquai l'iniziativa per «dapli abitaziuns pajablas» che vegn ils 9 da favrer davant il pievel.

Avant las medias ha la presidenta da la PCD da la Turgovia Brigitte Häberli-Koller fatg attent, che la situaziun sin il martgà d'abitaziuns saja sa calmada ils davos onns. Avant tschintg onns era l'iniziativa vegnida lantschada. La quota d'abitaziuns vidas saja sa sbassada, ha Häberli-Koller ditg.

Plinavant averteschan ils burgais ch'ina quota per abitaziuns pajablas na possia betg vegnir repartida a moda gista sin regiuns e vischnancas, ella saja perfin contraproductiva. Per il maun public dessi uschia custs supplementars. Da profitar vegniss be ina pitschna minoritad, numnadamain ils abitants e las abitantas da las abitaziuns finanziadas dal stadi. Qua fetschia dapli senn da sustegnair questas famiglias direct empè cun talas abitaziuns.

Or da la Tagesschau da mezdi:

video
Adversaris admoneschan: damemia stadi en il martgà d'abitaziuns
Or da Tagesschau dals 09.01.2020.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga