Svizra - Iniziativa cunter la sexualisaziun na vegn betg avant il pievel
L'iniziativa dal pievel cun il titel «Cunter la sexualisaziun en scolina e scola primara» na vegn betg avant il pievel. Ils iniziants han retratg l'iniziativa, sco quai ch'igl è da leger en il fegl uffizial federal.
Il Cussegl federal na vegn uschia betg a suttametter al pievel l'iniziativa ch'il parlament aveva gia refusà.
Restar attents areguard l'educaziun sexuala
Sco quai ch'i ha num en ina communicaziun dals iniziants hajan ins gia cuntanschì las finamiras. Ins veglia però restar attent, co che l'educaziun sexuala sa sviluppescha en las scolas svizras. Per questa raschun saja vegnì fundà in'uniun.
