L'iniziativa da 99% haja formalamain memia bleras intschertezzas ed ella possia periclitar la Svizra sco lieu economic. Quai ha il minister da finanzas Ueli Maurer ditg en num dal Cussegl federal.
L'iniziativa lantschada avant quatter onns pretenda ch'ins stoppia pajar, davent dad ina tscherta summa, 1,5 giadas dapli taglia per entradas da capital. Il Cussegl federal disturba per exempel che iniziantas ed iniziants na defineschan betg la summa exacta davent da quella ch'il chapital vegn calculà per ina giada e mez. Quai saja mo ina da las intschertezzas, ha ditg Maurer il mardi avant las medias. Ultra da quai na saja il term entrada da chapital betg definà.
Tenor il minister da finanzas vegnian ils daners gia oz repartids da ritg a pover. Sch’ins surstrapatscha quella repartiziun pudess quai avair consequenzas era per l’economia. Il privel saja qua ch'il capital va uschia en l’exteriur.