Siglir tar il cuntegn

Header

cuntegn

Iniziativa da glatschers Cuntraproposta: nagin scumond per carburants fossils

Reducir las atgnas emissiuns u cumpensar ellas cun spargnar emissiuns en l'exteriur. Tuts dus duai esser pussaivel en la cuntraproposta a l'iniziativa da glatschers dal cussegl naziunal. La lescha duai cumandar ina finamira da netto nulla emissiuns da gas cun effect da serra fin 2050.

Lescha enstagl midada da la constituziun

Ina midada da lescha dovra, auter ch'ina midada da constituziun, nagina votaziun dal suveran. L'iniziativa vul cuntanscher netto nulla cun scumonds en la constituziun. La cuntraproposta dal cussegl naziunal percunter è ina lescha, cun la medema finamira.

Comité d'iniziativa retira probabel l'iniziativa

La cuntraproposta cuntegn finamiras dad etappa che valan fin 2040. L'industria duai per exempel reducir emissiuns sin la mesadad da quellas da 1990. Stgaudaments d'ieli e gas pon ins remplazzar, tenor la cuntraproposta, cun sustegn dal stadi. 3,2 milliardas francs vul el metter a disposiziun.

Quai correspunda en grondas parts a las pretensiuns da l'iniziativa da glatschers. Il comité d'iniziativa ha gia annunzià ch'el veglia probabel retrair l'iniziativa. La cuntraproposta na tanschia betg per cuntanscher las finamiras da la cunvegna da Paris. Però saja pli impurtant d'agir svelt. La cumissiun da l'ambient dal Cussegl dals chantuns leva anc sminuir il sustegn per remplazzar stgaudaments, ed en quai cas n'avess il comité betg vulì retrair lur iniziativa.

audio
RTR novitads da las 12:00
ord RTR Audio dals 20.09.2022.
laschar ir. Durada: 2 minutas 13 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga