Siglir tar il cuntegn
Inhalt

Svizra Iniziativa da la GSoA reussida formalmain

L'iniziativa per in scumond da la finanziaziun da producents da material da guerra è formalmain reussida, quai communitgescha la chanzlia federala.

Flyers da l'iniziativa.
Legenda: L'iniziativa per in scumond da la finanziaziun da producents da material da guerra da la GSOA è reussida formalmain. Keystone

Radund 105 milli suttascripziuns valaivlas sajan vegnidas inoltradas, scrivan ils responsabels da la Confederaziun. Lantschà l'iniziativa ha la gruppa per ina Svizra senz'armada (GSoA) l'avrigl 2017.

La GSOA è cuntenta che l'iniziativa è reussida. Sco proxim ha uss il Cussegl federal da tractar quella iniziativa e da far ina proposta al parlament.

RR novitads 15:00