Confederaziun e chantuns refusan l'iniziativa da limitaziun da la partida populara svizra PPS. Quella pretenda da desdir la libra circulaziun da persunas cun l'Uniun Europeica. Per la cussegliera federala Karin Keller-Sutter periclitescha quella las relaziuns bilateralas cun l'UE ed uschia er il bainstar en Svizra. Quai ha Keller-Sutter ditg il mardi a Berna davant las medias ed uschia lantschà il cumbat da votaziun.
audio
Il cumbat da votaziun cunter l'iniziativa da limitaziun è lantschà
ord Actualitad dals 11.02.2020.
laschar ir. Durada: 3 minutas.
Sche la Svizra terminass la libra circulaziun, pudess l'UE desdir ils contracts bilaterals, ha delcerà la ministra da giustia. Er las cunvegnas da Schengen-Dublin fissan tenor Karin Keller-Sutter periclitadas.
Davart l'iniziativa da limitaziun decida il suveran Svizzer ils 17 da matg.
RTR novitads 12:00