Tgi che na vul suenter la mort betg donar ses organs, duess en il futur stuair inditgar quai. La parentella duai dentant avair la pussaivladad da refusar ina donaziun. Quai è la cuntraproposta indirecta dal Cussegl federal a l’iniziativa che vul promover la donaziun d’organs.
L'iniziativa vul, che mintga persuna dat automaticamain ses organs, sch'ella n'è durant sia vita betg s'exprimida cunter ina donaziun. Per il mument vala il cuntrari: Donaziuns d'organs èn mo pussaivlas sin giavisch explicit dal donatur ubain da ses confamigliars.
Per midar il sistem actual dovri dentant ina votaziun. Cura che quella è, n'è anc betg cler.
Ord l'archiv
L'iniziativa è schon vegnida inoltrada l'october 2017.