Siglir tar il cuntegn

Header

Navigaziun

Legenda: Guardar il video Iniziativa cunter la construcziun dischordinada – survista dal resultat. Durada 01:31 minutas.
Or da Telesguard dals 10.02.2019.
cuntegn

Svizra Iniziativa fa naufragi cun 63,7%

  • L'iniziativa cunter la construcziun dischordinada è definitivamain refusada.
  • L'iniziativa ha fatg naufragi pervi da la maioritad dals chantuns.
  • Er tar la populaziun n'ha l'iniziativa gì nagina schanza: 63,7% han mess in NA en l'urna.
  • Uschia na vegn la surfatscha totala da las zonas da bajegiar en Svizra betg bloccada sin il stan actual.

Iniziativa cunter la construcziun dischordinada

Svizra: Iniziativa cunter la construcziun dischordinada

  • GEA

    36.3%

    737'226 Vuschs

  • NA

    63.7%

    1'291'499 Vuschs

Vuschs dals chantuns

  • GEA

    0.0

  • Na

    23.0

Tut ils chantuns svizzers han refusà l'iniziativa. Il pli cler NA vegn dal Vallais cun bunamain 79%, il pli stretg èsi stà a Genevra cun 52% NA a l'iniziativa.

Grischun di NA cun 71,9%

Nicolas Zogg, president da la Partida verda dal Grischun conceda che l'iniziativa era per blers memia rigurusa. Tuttina saja el led d'avair lantschà ina discussiun davart il tema – gist en vista a la lescha davart la planisaziun da territori che sa fatschenta er cun la construcziun dischordinada.

Nagin enzonar - nagin svilup

Il NA na saja betg ina supraisa gronda per el, di cusseglier naziunal Martin Candinas. I saja dentant tuttina bel ch' il resultat saja fitg clers e quai en l' entira svizra.

Quai mussa che l'iniziativa è propi stada exagerada. Sch' ins vul fixar ch'ins na dastga enzonar nagut pli, vul quai dir ch'i dat nagin svilup pli en Svizra. Gist quai ha fatg tema a blers.
Autur: Martin Candinascusseglier naziunal, PCD

Sch' il bajegiar vegnia betg pli acceptà, veglia quai dir, ch'ils tschains creschian. Patir pateschian allura quels cun las entradas pitschnas. Ils sanesters fetschian uschia insatge cunter lur public. Ma quai na hajan els betg realisà.

Il pli cler NA hai dà en la vischnanca da Lon cun 94% vuschs NA. Il pli bler sustegn han votantas e votants da Segl dà a l'iniziativa. Er là è quella dentant tuttina vegnida refusada cun stgars 56%.

Sch'ins cumpareglia las regiuns hai dà il pli cler NA en Surselva. En media han 80% dals votants en Surselva ditg NA. Il pli cler NA en la regiun Surselva hai dà a Val nua che 86% han ditg NA. A Sursaissa è l'iniziativa vegnida refusada cun 85% ed a Medel cun 84%. La regiun Moesa ha refusà l'iniziativa il pli pauc cler, quai cun 63% NA.

La participaziun a la votaziun a nivel chantunal munta a 33%.

RR dumengia da votaziuns