Siglir tar il cuntegn

Header

cuntegn

Iniziativa parlamentara Er il Cussegl federal vul regular preventivamain il luf

Il Cussegl federal sustegna in'iniziativa da la cumissiun da l'ambient dal Cussegl dals chantuns per regular preventivamain la populaziun da lufs, vul dir avant che donns schabegian. Lufs singuls duain ins pudair sajettar pli svelt sch'els sajan in privel, era quai sustegna il Cussegl federal.

La repartiziun tranter chantuns e Confederaziun duai restar

Las propostas da la cumissiun sa tegnan dentant vi da la repartiziun da cumpetenzas tranter chantuns e Confederaziun. Tar la votaziun davart la lescha da chatscha il 2020 ch'è vegnida renviada, è quai stà ina da las criticas principalas, e la cumissiun da l'ambient ha resguardà quai.

audio
Er il Cussegl federal vul regular il luf pli svelt
ord RTR Audio dals 31.08.2022.
laschar ir. Durada: 1 minuta 9 Secundas.

Che la Confederaziun porta Ils custs da persunal tar il chantun che sa fatschenta cun fatgs dal luf, na vul il Cussegl federal betg.

Premissas per sajettar in luf

Avrir la box Serrar la box

Tenor l'ordinaziun federala da chatscha dastga in luf vegnir sajettà, suenter ch’el accumplescha ina da las suandantas premissas:

  • stgarpà entaifer quatter mais 25 animals da niz pitschens
  • stgarpà entaifer in mais 15 animals da niz pitschens
  • stgarpà entaifer quatter mais 10 animals da niz pitschens, sch'igl ha pli baud schon dà donns entras lufs
  • stgarpà entaifer dus mais 2 animals da niz gronds

Sco animals da niz gronds valan las spezias bovinas, equestras e camelids dal mund nov – tranter auter èn quai vatgas, chavals, asens, camels e lamas. E las reglas valan mo sche mesiras da protecziun supportablas èn gia avant maun.

D’in triep dastgan la mesadad dals chagniels vegnir sajettads. Quai dentant be sch'il triep e sa reproducì durant l'onn dal cumportament problematic.

Sch'i sa tracta d'in triep è ina lubientscha dal BAFU necessaria per pudair sajettar. Tar in luf singul dastga il chantun dar la lubientscha da sajettar senza consentiment da l'Uffizi federal d'ambient.

RTR novitads 17:00

Artitgels legids il pli savens

Scrollar a sanestra Scrollar a dretga