La radunanza generala ha decidì l'iniziativa en vista a la mancanza d'abitaziuns e l'explosiun dals tschains da locaziun. Sco quai che l'associaziun ha communitgà, deploreschia ella la passivitad dal cussegl federal.
L'iniziativa pretenda da la confederaziun e dals chantuns in pli grond engaschi per abitaziuns d'utilitad publica. En l'entira Svizra duain 10 % da las abitaziuns novas esser talas abitaziuns.
La rimnada da suttascripziuns duai cumenzar il settember. L’Associaziun da locataris spera sin il sustegn dad autras organisaziuns.
RR novitads 18:00