Siglir tar il cuntegn

Header

cuntegn

Svizra Iniziativa «Per il repatriament effectiv» fa naufragi

Ils Svizzers èn s’exprimids a las votaziuns federalas cunter l’expulsiun automatica d’esters criminals. L’iniziativa per il repatriament effectiv da la PPS ha disditg, er pervi da l'aut grad da mobilisaziun en la populaziun cunter il project da votaziun.

Durchsetzungs-Initiative

Svizra: Volksinitiative «Zur Durchsetzung der Ausschaffung krimineller Ausländer (Durchsetzungsinitiative)»

  • GEA

    41.1%

    1'375'058 Vuschs

  • NA

    58.9%

    1'966'976 Vuschs

Vuschs dals chantuns

  • GEA

    4.5

  • Na

    18.5

video
Il na a l’iniziativa da la PPS per il repatriament effectiv
Or da Telesguard dals 28.02.2016.
laschar ir. Durada: 5 minutas 44 Secundas.

Ils blers chantuns han ditg na a l’iniziativa per il repatriament effectiv.

Las pli bleras vuschs encunter il project vegnan dals chantuns Basilea-Citad (70,2%), Neuschatel (65,3%)Turitg (65%) e Giura (60,3%).

Gea a l’iniziativa han ditg ils chantuns Tessin (59,4%), Uri (51,6%), Sursilvania (52,5%), Sutsilvania (50,6%), Sviz (53,9%) ed Appenzell Dadens (54,3%).

La Svizra Centrala ha pia vuschà cleramain per l’iniziativa, ma tuttina betg uschè cler sco ils Tessinais cun in gea da bunamain 60%.

Lescha penala rinforzada va en vigur

En il futur vegnan estras ed esters criminals – malgrà il na a l’iniziativa – automaticamain expulsads dal pajais.

Uss va numnadamain en vigur l’emprim’iniziativa dal pievel per il repatriament d’esters. Quest’iniziativa avevan pievel e chantuns acceptà il 2010.

audio
Heinz Brand discurra d’in resultat remartgabel da l’iniziativa dal PPS
ord Novitads dals 28.02.2016.
laschar ir. Durada: 2 minutas 52 Secundas.

Era prevesa la lescha in repatriament automatic independentamain dal las circumstanzas dal singul cas. Be sco excepziun po vegnir desistì da quai, numnadamain per evitar in cas da direzza persunal.

Mobilisaziun da tuttas varts

Partidas, giustia, economia, medias e producents da cultura èn sa preschentads bunamain a moda serrada cunter l’iniziativa.

Bunamain 300 actuals ed anteriurs politichers federals eran sa drizzads als votants cun il appel.

Scienziads avevan fatg part da a la discussiun politica. Artists ed intellectuals avevan avertì cun insistenza da l’iniziativa.

RR novitads 16:00+

Artitgels legids il pli savens