La populaziun svizra duai confermar il Cussegl federal. Ina iniziativa ch'il «Moviment liberal svizzer» ha lantschà pretenda ch'il suveran ed ils chantuns hajan da confermar mintga dus onns las commembras ed ils commembers dal Cussegl federal.
Il comité d'iniziativa haja constatà che las decisiuns dal Cussegl federal correspundian pli e pli pauc a la veglia dal pievel. Quai stoppia sa midar. Sch'il pievel na saja betg cuntent cun la lavur dad in cusseglier u ina cussegliera duai el avair la pussaivladad da relaschar quest u questa.
Per che l'iniziativa reussescha ston els rimnar 100'000 suttascripziuns enfin mez november da l'auter onn.