L’iniziativa pretenda che la Banca naziunala svizra paja a mintga Svizra ed a mintga Svizzer ina contribuziun unica da 7'500 francs. Uschia duai vegnir augmentà la massa monetara. La banca naziunala duai perquai squitschar novs daners. Mintga persuna duai survegnir ils daners sin il pli tard in onn suenter che l’iniziativa è vegnida acceptada. La contribuziun duai esser libra da la taglia.
Davos l’uschè numnada iniziativa per daners da helicopter stattan set burgaisas e burgais dal chantun Son Gagl. Il termin per ramassar las 100'000 suttascripziuns necessarias scada ils 22. d’avrigl 2022.
audio
Per tadlar curt e cumpact
ord RTR Audio dals 20.10.2020.
laschar ir. Durada: 52 Secundas.