Sch’i dat indizis per attatgas terroristicas planisadas duain las autoritads pudair agir cunter ils responsabels. Quai era sche nagina procedura penala n’è anc vegnida instradada. Quai prevesa la nova lescha cunter il terrorissem che vegn il zercladur a l’urna. In’allianza dad organisaziuns nun-guvernamentalas lantscha oz la campagna da votaziun.
Innocents en il visier?
Ella tema che era innocents vegnian dapli en il visier tras la lescha. Il pled «persuna privlusa sut l’aspect terroristic» saja memia vast en la lescha.
Era in protest legitim pudess uschia vegnir vesì e persequità sco in act terroristic. Quai teman las organisaziuns, tar las qualas tutga era Amnesty International.
Las aderentas ed ils aderents da la lescha da lur vart argumenteschan che l’adattaziun saja necessaria perquai ch’il privel terroristic saja creschì l’ultim temp en Svizra. La lescha serria ina largia en il cumbat cunter il terrorissem.
