Las inquisiziuns cunter l'anteriur president da la Fifa, Sepp Blatter, na vegnan betg reprendidas. Quai ha il Tribunal federal penal decidì. Ils derschaders han refusà in recurs da la Fifa.
Blatter vegniva suspectà, d'avair vendì il 2005 dretgs da televisiun al president da la Federaziun caribica da ballape, Jack Warner, e quai lunsch sut la valita dal martgà. La Procura publica federala aveva terminà las inquisiziuns, tranter auter perquai ch'ella n'ha betg pudì eruir la valur correcta dals dretgs e cunquai er betg l'autezza dal donn. Las inquisiziuns fissan er uschiglio daventadas obsoletas perquai che l'entir cas dals cun ils dretgs da televisiun è surannà.
Inquisiziun pervi da pajament a Platinì resta en lavur
L'inquisiziun pervi d'in pajament a Michel Platini il 2011 resta en lavur. Là vai per ina summa da passa dus milliuns francs. La vegn Sepp Blatter suspectà d'avair enritgì illegalmain Platini ch'era lura president da l'Uefa.
