Inquisiziun cunter Franz Beckenbauer

La Procura publica federala da la Svizra fa retschertgas. I va per la surdada dal campiunadi mundial da ballape il 2006.

Franz Beckenbauer, l'anteriur schef dal comité d'organisaziun per il CM da ballape 2006. Bild in Lightbox öffnen.

Legenda da maletgs: Franz Beckenbauer, l'anteriur schef dal comité d'organisaziun per il CM da ballape 2006. Keystone

Tenor in rapport dal magazin «Der Spiegel» vegnia investigà cunter Beckenbauer pervi da suspect da gestiun malfidaivla e lavar daners. I haja dà ina rotscha da pajaments dubius tranter l'onn 2002 ed il 2005. I giaja per passa diesch milliuns francs.
Sin dumonda da l'agentura da novitads sda ha la procura publica sulettamain confermà ch'i dettia ina «operaziun che dura en quest connex». En il decurs dal di dettia ulteriuras infurmaziuns.

Investigaziuns er cunter Schmidt, Zwanziger e Niersbach

En connex cun l'affera pervi da la surdada dal campiunadi mundial da ballape 2006 fa la Procura publica federala er retschertgas cunter ils anteriurs presidents dal DFB, Theo Zwanziger e Wolfgang Niersbach sco er cunter l'anteriur secretari general da la federaziun, Horst R. Schmidt.

RR novitads 14:00