Siglir tar il cuntegn

Header

La Villa La Grange
Legenda: L'inscunter vegn ad avair lieu en la Villa La Grange a Genevra. Keystone
cuntegn

Inscunter Biden–Putin Restricziuns per l'aviatica e sustegn dal militar

Pervia da l'inscunter da l'autra mesemna tranter il president american Joe Biden ed il president russ Wladimir Putin vegni a dar differentas restricziuns a Genevra. Tranter auter vegn il traffic aviatic restrenschì. Quai ha decis il venderdi il Cussegl federal.

Las restricziuns sur la zona d'inscunter sajan necessarias per garantir la segirezza da l'inscunter, scriva il Cussegl federal. L'aviatica militara vegnia tranter auter ad esser en acziun. L'eroport da Genevra n'è betg pertutgà da las mesiras.

Las restricziuns valan a partir da mardis a bun'ura fin a gievgia saira. La Svizra saja obligada da procurar per la protecziun dals presidents, uschia il Cussegl federal. Plinavant vegnian fin a melli schuldads a sustegnair las autoritads civilas tar las lavurs da segirezza. Er quest engaschament ha il Cussegl federal approvà.

L'engaschament dal militar na vegnia dentant betg a chaschunar custs supplementars, hai num en la communicaziun. Quel vegnia finanzià sur il budget ordinari.

RTR Novitads 12:00

Artitgels legids il pli savens

Scrollar a sanestra Scrollar a dretga