Siglir tar il cuntegn

Header

purtret da Guy Parmelin ed Alain Berset.
Legenda: Guy Parmelin ed Alain Berset. Keystone
cuntegn

Inscunter Turistichers vulan segirezza da planisar e plan d'exit

Il Cussegl federal ha discutà oz a moda virtuala cun il turistichers. A la maisa radunda è vegnida analisada la situaziun da la branscha durant la pandemia. Da la partida eran il president da la Confederaziun Guy Parmelin, il minister da finanzas Ueli Maurer ed il minister da sanadad Alain Berset.

Ils turistichers vulan segirezza per planisar, ina uschenumnada strategia d'exit è giavischada, scriva l'uniun da turissem suenter l'inscunter en ina communicaziun. La branscha saja conscienta ch'ins possia pir puspè ir a la lavur sche las cifras sa sbassan e restan bassas a lunga vista. Perquai vulan ins dapli tests ed ina strategia da vaccinar pli svelta.

Er è vegnì tematisà a l'inscunter ch'ils daners per cas dirs vegnian pajads or memia plaun. La branscha turistica giavischass en quest reguard process pli svelts – sco la primavaira da l'onn passà.

RTR novitads 17:00

Artitgels legids il pli savens

Scrollar a sanestra Scrollar a dretga