La Svizra e l’agenzia spaziala europeica ESA han suttascrit ina cunvegna da cooperaziun. La finamira è da crear in center da cumpetenzas cuminaivel a l’institut Paul Scherrer a Villigen en il chantun Argovia. La Svizra è commembra fundadra da l’ESA. Emprims temas al nov center èn la perscrutaziun dal material, il management e l'elavuraziun da datas, tecnologias da quantum e l'astronautica persistenta.
Sco il Secretariat da stadi per furmaziun, retschertga ed innovaziun communitgescha, duai il nov center, cun il num «European Space Deep-Tech Innovation Centre» (Esdi), meglierar la colliaziun tranter scienza ed economia privata. El duai era coordinar projects tranter las scol'autas e l'industria.