Legenda:
La Svizra dovra dapli instituziuns socialas.
Keystone
cuntegn
Svizra - Instituziuns socialas en Svizra ston crescher
E quai marcantamain. Nossa societad daventa numnadamain adina pli veglia. Fin l'onn 2030 pudessan vegnir stgaffidas fin 123'000 plazzas, rapporta la SonntagsZeitung sa referind sin cifras betg publitgadas da l'Uffizi federal per assicuranzas socialas.
Dapli plazzas dovria quai surtut en chasas da tgira, però er tar instituziuns per impedids, dependents da drogas u persunas cun ina malsogna psichica. La populaziun vegn adina pli veglia e surviva grevas malsognas grazia a la tgira intensiva. Er per la tgira d'uffants dastgassan las plazzas vegnir dublegiadas fin il 2030. Gia oz hajan bleras da questas instituziuns miseria da chattar persunal adattà.
