Fatg il rapport ha l'anteriur ambassadur spezial per las dumondas da migraziun Eduard Gnesa sin incumbensa dal Secretariat da stadi per la migraziun. Gnesa ha duì iniziar in dialog cun patruns per promover l'engaschi da l'economia svizra per integrar en la lavur ils fugitivs ed er persunas recepidas provisoricamain.
Tenor enquista èn ils patruns savens motivads d'engaschar fugitivs pervi da mancanza da forzas da lavur, plazzas d'emprendissadi betg occupadas, forzas da lavur bunmartgadas e con-responsabladad sociala.
Trais propostas
Sin fundament da ses discurs ha Gnesa dà giu trais cussegliaziuns. Las emprimas duas propostas èn: Infurmar ed entretschar cun agid d'ina plattafurma d'infurmaziun naziunala per uschia sensibilisar ils patruns sco er organisar occurrenzas d'infurmaziun. La terza proposta è ina sort jobcoach per preparar ils fugitivs sin il mund da lavur en Svizra.
RR novitad 10:00