«Mintgina e mintgin duai pudair decider sez, tge che vegn sprizzà u implantà en ses corp.» Quest text duai vegnir scrit en in artitgel supplementar da la constituziun. Vinavant vegn pretendì che persunas pertutgadas na dastgian betg vegnir chastiadas u discriminadas sch'ellas refusian il consentiment per in tal tractament.
Quai pretenda l'inizitiva che l'uniun «Moviment liberal Svizra» ha inoltrà gievgia a Berna. Ella porta il num «Per libertad ed integritad corporala». Sco l'uniun ha ditg, hajan passa 125’000 persunas suttascrit l'iniziativa. Quella na pertutgia betg mo corona. Ella valia tranter auter era per chips ed infurmaziuns digitalas en il corp.