Siglir tar il cuntegn

Header

cuntegn

Svizra Intelligenza artifiziala per la viafier «smartrail 4.0»

L'intelligenza artifiziala duai gidar d'augmentar la capacitad da la rait da viafier en l'entira Svizra. Il program genereschia aifer curt temp pliras schliaziuns tar divergenzas d'urari e communitgeschia quai als auters sistems.

Ina simulaziun haja mussà che quest sistem saja realistic, communitgeschan la SBB, la Viafier retica, la Viafier dal Sidost svizra e l'Uniun dals transports publics.

Colliaziuns pli punctualas, infurmaziuns pli sveltas

La finamira dal nov sistem da diriger il traffic saja d'augmentar la capacitad e la segirezza, però er da spargnar custs. La capacitad da la viafier duai la finala vegnir augmentada per 30%. A partir dal 2022 duai il sistem vegnir utilisà. Lura duain ils passagiers profitar da colliaziuns pli punctualas ed infurmaziuns pli sveltas e precisas.

RR novitads 15:00

Artitgels legids il pli savens